ياماكِثاً بين اللحودِ بقبرهِ
وموسَداً تشتاقهُ الاحبابا
عَرِج بروحِكَ في الرؤى
إن كانَ شخصُكَ بيننا قد غابا
قد مرتِ الايام تأكُلُ أدمُعاً
ببكائها جِفنٌ لنا قد ذابا
إن شابَ رأسٌ للأنامِ بحزنهِ
قلبٌ بِبُعدِك عندنا قد شابا
.....
يالمرافك الموت بحلو السنين
يمحمد جواد شصغر سنك
ودعت الحسين وزرت مولاك
اكيد مرافكك مابعد عنك
المنايا تكصدلك الف ياحيف
خذن ثلمة اسلام المن خذنك
الدروس المن عفتها وماتوانيت
طلابك اجو سألونه عنك
تبجيك الكتب وعمامتك هاي
حيطان المدراس يمه بجنك
...
ييمه شلون سافرت لمناياك
يمحمد بعد مو وكت موتك
نسيت اطفال عندك كلهم اصغار
ينتظرون كلهم وين صوتك
اذا يسألني عندك طفل ويريد
شجاوب يمه كلي على مروتك
.....
ابني المانسه وماعافني بيوم
يبو عمامة الحلوه وحلو الرسوم
كمر يمه بسماك وتضوي النجوم
وي طبتك عليه تزيح الهموم
يمه وداعة الله وكلبي ملجوم
شمسك سافرت مابين الغيوم
.....
سنه من اعمارنه العدت بلاياك
اريد انشد عليك شلونك اهناك
ييمه اشتاق كلبي لعطر ملكاك
انسه ايامي كلها ومكدر انساك
على محمد رضا سلمنه وياك
يريت الموت لا جاله ولاجاك
اضافةتعليق